Spurt & svarað

Fasteignakaup eru einir mikilvægustu samningar sem fólk gerir á lífsleiðinni. Skjólfesta rýmkar til þannig að kaupendur hafa aukið olnbogarými til þess að fjárfesta í húsnæði.

Það er okkur mikilvægt að öll spil liggi á borðinu og hafir þú frekari spurningar til okkar en þær sem eru listaðar hér að neðan þá endilega hafðu samband og við svörum um hæl.

Algengustu spurningar og svör

Hvað er Skjólfesta?+

  • Skjólfesta er sjóður í eigu Croci ehf. sem er systurfélag Varmárbyggðar ehf.
  • Skjólfesta er hýstur og rekinn af eignastýringarfélaginu Stefnir hf., sem er hluti af samstæðu Arion banka.
  • Skjólfesta fjárfestir í íbúðahúsnæði með kaupendum með það fyrir augum að auðvelda þeim íbúðakaup.
  • Fjárfestingin takmarkast við þær eignir sem Varmárbyggð ehf. er með í byggingu og verða þær þá í óskiptri sameign með kaupendum.
  • Fjárfestingarhlutfall sjóðsins er að hámarki 20%. Kaupandinn tekur svo allt að 70% lán hjá lánastofnun eða lífeyrissjóði og leggur svo afganginn til af sínu eigin fé.
  • Kaupandi hefur full yfirráð yfir keyptri eign.
  • Eigið fé kaupanda skal að lágmarki vera 10%.

Fyrir hverja er Skjólfesta?+

  • Skjólfesta er fyrir einstaklinga sem eiga að lágmarki 10% eigið fé og standast greiðslumat íslenskra banka eða lífeyrissjóða fyrir allt að 70% láni.
  • Skjólfesta leggur til allt að 20% og verður þar af leiðandi allt að 20% meðeigandi eignarinnar.

Hvernig eru skilmálar samningsins milli kaupenda og Skjólfestu?+

  • Aðilar gera með sér tvo samninga:
    • Sameignasamningur
      • Hann tekur á skyldum og réttindum beggja aðila sem sameignaraðila.
    • Leigusamningur
      • Tekur m.a. á leigugreiðslum kaupanda fyrir afnot af eignahluta Skjólfestu
  • Mikilvægt er að kynna sér vel þá samninga sem gerðir eru. Af því tilefni hefur verið sett saman samantekt af bæði sameignar- og leigusamningi. Auk þess hefur verið sett saman upplýsingablað (sem er viðauki við sameignarsamninginn) sem lýsir nokkrum dæmum með mismunandi sviðsmyndum sem mikilvægt er að kynna sér vel.

Hvað gerist við sölu fasteignarinnar?+

  • Við sölu eignar er sameignarsamningur og leigusamningur gerðir upp. Seljandi fær sinn eignarhlut hlutfallslega miðað við verðþróun á fasteignamarkaði.
    • Ef fasteign hækkar í verði fær kaupandi hækkunina á sínum eignarhlut, t.d. 80% hlutur. Á sama tíma þarf kaupandi að standa við sínar skuldbindingar tengdum fasteignalánum og leigusamningi.
    • Skjólfesta fær ábatann af sínum eignarhlut, t.d. 20% hlut.
  • Ef fasteign lækkar í verði og er seld með tapi skiptist tapið hlutfallslega eftir eignarhlutföllum. Viðskiptavinur ber rýrnun á sínum 80% hlut og Skjólfesta á sínum 20% hlut.

Hvernig er skipting á fasteignagjöldum og öðrum kostnaði?+

  • Skjólfesta greiðir fasteignagjöld í hlutfalli við eignarhluta sjóðsins eða allt að 20%.
  • Skjólfesta tekur þátt í viðhaldskostnaði sem húsfélagið samþykkir í hlutfalli við eignarhluta sjóðsins eða allt að 20%.
  • Skjólfesta greiðir ekki fyrir breytingar sem kaupandi ákveður sjálfur eða skemmdir sem eru umfram venjulegrar notkunar.
  • Kaupandi greiðir fyrir daglegt viðhald og rekstur fasteignarinnar s.s rafmagn, hita, húsgjöld og tryggingar.
  • Án skriflegs samþykkis Skjólfestu er viðskiptavini óheimilt að gera breytingar á húsnæðinu sem ganga lengra en það viðhald sem viðskiptavini er skylt að inna af hendi. Skjólfesta er óheimilt að synja um slíkt samþykki án réttmætrar ástæðu

Samningstími er allt að 10 ár - En ef ég þarf að losna fyrr?+

  • Leyfilegt er að selja eignina hvenær sem er á samningstíma.

Hvað með húsnæðislán eins og bankalán og/eða lífeyrissjóðslán?+

  • Kaupandi fer í greiðslumat hjá þeirri stofnun sem hann vill eiga viðskipti við. Það lán fer á 1. veðrétt í allri íbúðinni (100% eignahluta) en að sama skapi fær Skjólfesta 2. veðrétt í íbúðinni (100% eignahluta) til að tryggja sinn eignarhlut.
  • Kaupandi getur endurfjármagnað íbúðarlán sitt á samningstímanum. Til þess þarf samþykki Skjólfestu. Skjólfesta mun veita slíkt samþykki nema réttmætrar ástæður mæla gegn því.

Hver er kostnaður kaupanda við Skjólfestu leiðina?+

  • Kaupandi greiðir mánaðarlega leigu af eignarhluta Skjólfestu. Leigan reiknast mánaðarlega og er verðtryggð. Dæmi um leigu:
    • Kaupverð: 67.900.000 kr.
    • Eignarhlutur Skjólfestu 20%: 13.580.000 kr.
    • Leiga per mánuð: 45.000 kr. + verðtrygging – vísitala neysluverðs.
      • Ef eignarhlutur Skjólfestu er minni þá lækkar leigan hlutfallslega t.d. ef eignarhlutur er 10% þá er leigan 22.500 kr. á mánuði + verðtrygging – vísitala neysluverðs.
  • Leigufjárhæð er föst á samningstíma en hún tekur breytingum samkvæmt vísitölu neysluverðs

Má ég leigja út eignina á samningstímanum?+

  • Já, heimilt er að leigja út eignina og kaupandi tekur leigugreiðslur að fullu til sín, en á sama tíma þarf kaupandi að greiða húsaleigu af eignarhluta sjóðsins.
  • Kaupandi ber alla ábyrgð á eigninni gagnvart skemmdum og tjóni sem kann að hljótast.

Hver er tengiliður kaupenda við Skjólfestu?+

  • Þjónustuaðili Stefnis er Aparta Iceland kt. 550125-0560.
  • Hægt er að hafa samband við Aparta í gegnum heimsíðu þeirra aparta.is.

Hafa samband